اختي خلت جوزها يعمل
يارا بتتصل ب هبه وهبه كان عندها ضيوف
وحفله
هبه
في ايه عماله اكنسل عليكي عندي ناس عايزه ايه دلوقتي
يارا
بابا تعبان قوي وعايزه اوديه المستشفى ممكن تجيبي عربيتك وتيجي معايا علشان نوديه
هبه
ايه يا حبيبتي مش معاكي ثمن الاوبر يعني تحب ابعته ليك كاش بقولك ايه انا عندي ناس ومش فاضيه للكلام اللي انتي بتقولي عليه ده
يارا
يا هبه حرام عليك ده بابا بيشحتك علشان يشوفك ينفع ان انتي بتعمليه ده والله العظيم بكره هتندمي على كل حاجه انتي عملتيها
هبه
بقولك ايه يا يارا لو سمحت انتي كده واخداني من الناس اللي عندي ارجوكي تقفلي السكه
وبعدها قفلت
وفي شقه بابا
يارا
بابا انا هطلبلك اوبر علشان هبه بتقول ان هي مسافره كانت نفسها تيجي معانا
الاب
بجد ما تعرفيش هي وحشاني ازاي وانا زعلانه والله ان انا كنت بزعلها في يوم من الايام
يارا
يا بابا هي اللي كانت بتستفزك علشان خاطر تعمل اي مشاكل بالله عليك خلينا نروح المستشفى بقى
الاب
ماشي يا بنتي وديني وبعدها لقيت الباب بيخبط
وكان محمود
محمود
انا هطلب اوبر دلوقتي علشان اجي معاكي ولا انت خلاص اتصلتي ب هبه
يارا
والله يا محمود مش عارفه اقول لك ايه اتصلت بيها ورافضه ان هي تيجي تماما وبابا بجد نفسه يشوفها قوي
محمود
سيبك منها خالص يا يارا يلا بينا علشان نلحق خالي وبعدها راحوا المستشفى وهناك الدكتور خرج وقال
الدكتور
البقاء لله يا جماعه ملحقناش نعمله حاجه انا قولتلك ان باباكي كان لازم يغسل كلا الاسبوع اللي فات وانت ما جبتهوش
يارا بعياط
والله هو اللي كان رافض خالص الله يرحمك يا بابا وبعدها خدوه وراحوا على البيت وفضلت تتصل بهبه وصحي جوزها وقال
يحيي
بقول لك ايه شوفي تليفونك ده يا اما تردي يا اما تعمليه سايلنت انا عايزه اصحى بكره بدري
هبه
مين المزعج اللي هيكون بيتصل على الصبح كده
وبعدها بصت وعرفت أن انا وقالت
يووووو هو انتي اي يا شيخه مش بتزهقي
خالص كل شويه
رغي رغي ابقي شوفي بقى مين اللي هيرد عليك بعدها راحت قافله تليفونها وانا كنت قاعده
عامله اعيط
محمود
انا جبت المغسل علشان خاطر يغسل خالي ما تنسيش ان احنا لسه هنسافر على الصعيد يعني هناخد وقت
يارا
معقول هيتغسل ويتدفن من غير ما بنته تشوفه انا عماله اتصل بيها التليفون اتقفل طب اتصل على جوزها ولا اعمل ايه
محمود
بصراحه اختك دي قليله لذوق جدا وانا مش واثق ممكن تزعلك وتقولك ايه اسمعي
كلامي ويلا بينا خلينا نمشي نشوف
الاجراءات وبعدها نبقي نشوف اختك
يارا
تمام ماشي وبعدها روحنا ودفنا بابا
ولما رجعت لقيت هبه بترن
هبه
خير فلوس المستشفى كانت مقصره معاكي ولا ايه متصله بيا على الصبح قوي كده
يارا
لا يا حبيبتي انتي عارفه ومتاكده كويس قوي ان بابا مش محتاج فلوس من حد بس بابا راح واحنا دفناه لو عايزه تيجي تحضري عزا تعالي
هبه
طب وما فيش حاجه اسمها رساله تعرفيني بيها ايه تروحي تدفني كده وتخلصي كل حاجه من نفسك
يارا
على فكره انا كنت بسكتلك عشان خاطر بابا الله يرحمه انما مش هقبل منك كلمه زياده انت سامعه ولا لا وبعدها قفلت في وشها
دخل يحيي
يحيي
وفي ايه بالظبط يا هبه مالك عماله تزعقي مع اختك كده ليه انا نفسي مره تكلميها بس تكون باسلوب كويس
هبه
بتقول ان بابا راح وراحت خلصت
كلامها وبعدها قالت هو انا لازم
اللبس اسود
يحيي
والله ابوكي مات وانتي عامله تتكلمي
بالطريقه دي انتي ازاي بارده
هبه
بقولك اي كفايه الحوارات اللي انا فيها
لما نشوف الايام البيضه اللي داخلين عليها
وبعدها لبست وجت العزا
بااااااك
