راحت مع صاحبتها فطلبت منها
ومشي عاصم ودخلت ليلى والبنات لما شافو واحده قالت للتانية
الحقي يا بت يانيره شوفتي مين اللي جايه هناك دي
نيرة
ودي ايه دي كمان شكلها وجه جديد في الكلية هنا بس دي ايييه صاروووخ يابت رنا ايه ده
رنا
فعلا دي صاروخ وشكلها من النوع اللي بيعجبك يابت يانيرة ابسطي بقا هتلاقي حبيب جديد هيهيهي
نيرة
بس يابت اتلمي انتي هتفىضىحيني ولا ايه ماتحطي لسانك جوه بوقك ياختي
رنا
طيب اهدي انا بهزر معاكي يانورة الله بقا
نيرة
خليكي متنيلة قاعده هنا وانا هاروح اعرف حكايتها ايه دي
وراحت لها نيرة وقالت لها
اهلا وسهلا انا نيرة وانتي اسمك ايه
ليلى
اسمي ليلى وفي الفرقة الرابعه ناقله من اسكندرية لهنا
نيرة
ايه ده معقوله دي بقا حد يسيب اسكندرية ويجي القاهرة في الزحمة والقرف ده المهم انتي نورتي ممكن نبقا أصحاب
ليلى
طبعا اكيد نبقا أصحاب انا اصلا لسه معرفش حد هنا خالص فى الجامعة دي وكده
نيرة
بكرة ياستي تتعرفي على كل اللي هنا اطمني على الآخر بس تعرفي انك حلوه اوي يا ليلي وزي القمر
ليلى
شكرا يا نيرة ده انتي اللي زي القمر والله طيب مش ممكن بقا نقوم عشان اشوف الجدول ايه وكده
نيرة
ااه طبعا يلا بينا نروح نشوف الجدول انتي هتنبسطي اوي معانا هنا في الكليه دي ولسه لما تتعرفي على باقي الشله كلها
وراحت ليلى واخدت جدول المحاضرات واتعرفت على رنا كمان اللي انضمت ليهم وقالت لها
ان شاء الله يا ليلي هتكوني معانا مبسوطة جدا
وفي الوقت ده جه شاب عليهم وقال لنيرة
ايه يا نيرة مش، تعرفينا بالناس الجديدة دي انا حاسس انها وجه جديد مش كده ولا ايه
نيرة
ايوه يا حازم اعرفك يا ليلي حازم زميلنا في نفس الفرقة ويعتبر بقا حازم ده الكومندا بتاع الكليه يعني عشان ابوه واصل وكده
حازم
ياساتر يا رب على قرك يا شيخة اهو قرك ده اللي هيجبنا لورا
نيرة
الله يعني الحق عليا اني بعرفك بالناس الجديدة اتعرف لوحدك بقا انا مليش دعوة
حازم
ايوه انا هتعرف لوحدي اهلا وسهلا بيكي انا حازم
ليلى
. اهلا وسهلا طيب ياجماعه انا سعيدة اوي اني اتعرفت عليكم عن اذنكم عشان همشي بقا
نيرة
رايحة فين يابنتي ما لسه بدري
رنا
اه صحيح ده لسه بدري ده حتى اليوم النهاردة مكنش فيه محاضرات كتيرة يعني احنا لسه هنخرج
ليلى
لا معلش اخرجو انتو انا مش هينفع عن اذنكم لازم امشي
نيرة
ااه انتي بقا اكيد شكلك من اللي بيخافو من بابا وماما صح
ليلى
ماهو انا لازم اعمل حساب ليهم برضو ولا ايه عن اذنكم
وسبتهم ليلى ومشيت ونيرة قالت
ده ايه ياختي ده البت دي شكلها مش بتجي غير بالحنية كده والله اعلم مش كده برضو ولا ايه
حازم
ناوية على ايه يانيرة بس البت عجباني اوي زي ماهي عجباكي بالظبط المهم تاخديها تحت جناحك ماشي وبعدين نبقا نشوف هنعمل ايه معاها
نيرة
ايه يا برنس اهدي على نفسك شوية البت دي بتاعتي انا وتخصني انا ماشي وانت ملكش دعوة بيها
حازم
اهدي بس يانورة احنا نقسمها علينا انتي شوية وانا شوية ماشي المهم بس انها تطمن لك على الآخر عشان تاخدي منها عنيها بقا وكده
نيرة
دي مش هتاخد في أيدي غلوه ياحبيبي وهتشوف
ورجعت ليلى البيت وامها قالت لها
ها ياحبيبتي ايه الاخبار اليوم كان حلو النهاردة ولا ايه
ليلى
اه ياماما كان حلو جدا انا اتعرفت على ناس معايا بنات حلوه اوي ومحترمين جدا
نهى
طيب ياحبيبتي كويس المهم انتي تخلي بالك من نفسك ومتامنيش لاي حد خالص ومش عايزاكي تخبي حاجة عني ماشي
ليلى
اكيد طبعا يا ماما مش هبخي حاجة عندك انا هدخل اوصتي ارتاح شوية
ودخلت ليلى اوضتها وعدت الايام وفضلت ليلى تروح الجامعة وعىلاقتها بنيرة بقت أقوى وفي يوم قالت لها
انتي يابنتي مش ناوية بقا تدي لحازم ريق حلو الواد خلاص صبره نفذ منك
ليلى
لا يانيرة طبعا انا لا هديله ريق حلو ولا وحش انا مليش عىلاقه بيه خالص ماشي
نيرة
الله ليه بس يا ليلي هو حازم وحش ده واد مز وزي القمر اهو واي واحده تتمناه بس هو عايزك انتي فقري بقا
ليلى
ياسلام طيب ولما هو مز كده يا نيرة انتي ليه مش خدتيه لكي وخلتيه يحبك انتي بدال ما انتي عماله تقولي لي انا أقرب منه
نيرة
مانا بقولك هو عايزك انتي ياهبلة انما انا لا مليش فيه اصلا انا مش بحبهم خالص
ليلى
مش بتحبي مين بالظبط
نيرة
مش بحب الولاد عمتا يعني قافله منهم كلهم المهم بقا خلينا فيكي انتي ملكيش حد تحبيه بما ان حازم مش عجبك خالص
ليلى
لا معنديش اصلي لما كنت في اسكندرية كان في واحد كنت بحبه بس غدر بيا وبص لصاحبتي وانا من وقتها قفلت منهم كلهم
نيرة
امممم عشان كده طيب ياستي انتي حرة على العموم انا قولت اقولك على حازم أصله قرفني
ليلى
لا عرفيه اني مش بتاعت الكلام ده خالص ومليش دعوة بالحوارات دي ماشي يلا انا همشي بقا سلام يانورة
نيرة
طيب متتاخريش بكرة بقا ماشي
ليلى
حاضر ياحبيبتي يلا باي
وهي ماشية ندهت عليها بنت اسمها اسماء وقالت لها
ازيك يا ليلي عامله ايه انتي خلصتي محاضرات النهاردة ولا ايه شيفاكي ماشية دلوقتي
ليلى
ازيك يا اسماء اه انا خلصت وهروح بقا على البيت
اسماء
طيب انا كنت عايزة اقولك على حاجة ياريت بلاش تصاحبي اللي اسمها نيرة دي وتخلي بالك منها
ليلى
انتي بتقولي لي الكلام ده ليه يا اسماء هي نيرة عملت حاجة عيب ولا حاجة وبعدين نيرة معايا من اول لما جيت الجامعة وبنت زي الفل ماشوفتش منها حاجة وحشة
اسماء
انا بحذرك منها وخلاص يا ليلي خلي بالك من نفسك وخلاص عن اذنك
سباتها ومشيت وليلى قالت لنفسها
هي مالها دي بتتكلم عن نيرة بالشكل ده ليه بقا يبقا اكيد البنت دي منفسنه من نيرة ورنا زي ماقالو لي قبل كده انا مش لازم أقف معاها تاني
و رجعت البيت وكانت امها مش موجوده واللي كان في البيت هو عاصم وقال لها
حمد الله على السلامة ياست البنات
ليلى
الله يسلمك ياعمو عاصم اومال ماما فين مش باينة ليه كده
عاصم
ماما راحت عند واحده صاحبتها بتعمل عمليه زمانها راجعة متقلقيش تحبي اقوم اعملك حاجة تاكليها على ماتغيري هىدومك
ليلى
لا خليك انت بقا مرتاح وانا اللي المره دي هعملها أكله حلوه وناكل سوا ايه رايك
عاصم
موافق طبعا جدا ده ايه الحلاوة دي يعني القمر ده هيعملي اكل بايدة وانا اقول لا اكيد طبعا هوافق
ليلى
طيب اديني بقا خمس دقايق اغير وبعدها ادخل المطبخ ماشي
وراحت ليلى غيرت بسرعه ورجعت عند عاصم وقالت له
انا داخله بقا المطبخ عشان اعملك احلى اكله تحب تاكل ايه بقا
عاصم
