مكنتش اعرف ان الجواز

بس كان واضح إن اللبلة دي مش هتعدي على خير، صحيت من النىوم شوفت حاجة بتمشي على الحيطان والسقف وشعرها طويل وغريب، حسيت بخوف غير طبيعي وبصيت جمبي ملقتش جوزي، حتى وقت احتياجي له مش موجود، قمت بهدوء عشان ملفتش نظرها وحاولت أفتح النور، وفعلًا قدرت إني أفتح النور، وشوفت عروسة لعبة، عروسة بتمشي على السقف وكأن فيها الروح.

ومسافة ما النور اتفتح وقعت في الأرض وسكنت تمامًا، وقتها مكنتش قادرة أقف على رجلي من الأساس، قربت من العروسة واحدة واحدة لقتها ساكنة خالص مبتتحركش، بس مكنتش قادرة ألمىسها، قعدت على السىرير أراقبها بخوف وأنا مستنية جوزي يظهر أو يمكن في الحمام ويدخل يشيلها، بس اكتشفت إنه نايم في أوضة تانية، ولو صحيته هيمىوتني من الضىرب، طيب هشيل العروسة دي ازاي..

دخلت أوضتي تاني بعد ما كنت خرجت منها وأول ما خطيت برجلي فيها النور كله قطع، وقفت مرعىوبة مكاني وحاسة إن قلبي هيقف، لحظات وظهرت البنت، معرفش ظهرت منين، بس كنت عارفة إنها اللي ادتها الملبن انهاردة، قربت من العروسة وشالتها، ولقتها بتقرب مني، فضل جسمي يتنفض لقتها بتطبط عليا وبتقولي

(متخافيش أنا مش هعملك حاجة)

بلعت ريقي بالعافية وسألتها

انت مين

لقتها قربت العروسة مني ومن خلال الضوء اللي جاي من الشباك شوفتها وقالت

(مبتشبهيش على العروسة دي)

بصتلها كتير لحد ما عنيا كانت هتخرج من مكانها، أنا فعلًا بشبه على العروسة دي، سألتها برعىب

(تقصدي ااااا)

(أيوة يا ماما أنا بنتك، ودي العروسة اللي اشترتيها بعد ما دفىنتيني في القىبر بتاعي وسبتيها معايا)

ولقتها بتكمل وبتقول

(واتطمني كل حاجة هتنتهي خلاص)