زوجوني معاقا

اسماعيل: عنده ٣٣ سنه

اتأكدت وقتها ان محدش بيوافق عليه من بنات العائلات الكبيرة ماهو واحد مهندس وغنى ايه اللي يقعده ل٣٣ من غير جواز

كده بانت اكيد بيدوروا علي عروسه غلبانه من عيله فقيره توافق بظروفه

ساره: بس انا مش موافقه يا بابا

اسماعيل بصذمه.:ليه يا ساره ده فرصه مش هتتعوض يابنتى هو مالوش ذنب دى خلقه ربنا هنحاسبه عليها ده حتى حرام وبعدين يا بنتى محدش هيجبرك على حاجه قابليه ولو ماعجبكيش ارفضيه

ساره بزهق: حاضر يابابا اللي تشوفه

،،،،،،

قمت الصبح علي حركه كتير في البيت وكنا بدرى لقيت ماما واختى سما قالبين البيت ونازلين تنفيض وتنضيف

ساره: خير ياجماعه ايه النشاط المفاجئ ده

سما بفرحه طفوليه: عشان عريسك جاى النهارده يا عروسه

ساره بغيظ: عرسه اما تاكل ودانك ياجزمه

ماما: تعالي معايا شوفي خالتك ام هدى جارتنا بعتالك طقم جميل من بتوع هدى اللي بتروح بيهم الجامعه ادخلي قسيه‍ بسرعه

ساره بعدم اهتمام: ولازمتها ايه نستلف هىدوم من الناس كنت هقابله بأى حاجه من عندى ماهما جاين وعارفين اننا علي قدنا

ماما: روحى بس يا ساره قسيه واسمعى كلامى يابنتى

وفي المعاد المحدد وصل العريس ووالدته بصراحه مشاعرى كانت متخلبطه كسوف علي زهق علي تردد أول ماعينى جت ع العريس وعينه جت في عنيا حسيته مغرور حتى ماكلفش خاطره وابتسم في وشى كانت نظراته حاده لدرجه خوفتنى منه عكس والدته كانت بشوشه وماحسستناش ان جايه من مستوى عالي عننا وسلمت عليا بحراره

­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­ ­