كل ما بنت من عيلتنا بتلاقي جنبها ظرف اسود
كل مابنت تمو.ت من عيلتنا بتلاقي جنبها علي السر.ير ورده سودا وظرف اسود في سر محدش يتخيله والمغىسله تكشف السر وقبل ما نبدا حكايتنا اعرفكم بنفسي انا ام احمد المغىسله طبعاً عارفني كويس انا النهارده جايبه لكم حكايه غريبه اوي واللي حصل لما لقيت في يوم واحده ست شكلها بنت ناس أغنيه اوي كانت راكبه عربيه اخر موديل وجات عندي وقالت
شاهيناز
هو ده بيت ام احمد المغىسله اللي بيقولوا عليها بتعرف أسرار اللي بيتو.فوا
المغىسله
ايوه انا ام أحمد المغىسله مين حضرتك الاول اتفضلي أدخلي أهلا وسهلا بيكي
شاهيناز
واضح كده انك كريمه وست محترمه زي ما سمعنا عنك بالظبط
المغىسله
تشكر.ي والله يا ست الكل بس مين حضرتك متشرفتش وبعدين يعني واضح كده ان حضرتك من عيله كبيرة واول مرة تيجي عندنا الحته هنا
شاهيناز
هو في الحقيقة أنا فعلا اول مرة باجي مكان زي ده انا بس جاي لك في موضوع مهم اوي وعايزاكي تجهزي نفسك وتيجي معايا
المغىسله
معلش يا حبيبتي لا مؤاخذة يعني هاجي معاكي فين اعرف الموضوع الاول
شاهيناز
بصي يا ست ام احمد هو انا مش عارفة اقولك ايه بس الحكايه أن في حاجة غريبه جدا بتحصل في العيله عندنا انا عندي بنات أخواتي كل لما بنت بتوصل لسن معين كده كانت بتروح
المغىسله
يعني ايه لما كانت توصل لسن معين كانت بتروح دي الأعمار دي بيد الله يا بنتي مفيش حاجه اسمها زي ما بتقولي كده
شاهيناز
طبعا ونعم بالله بس اللي حضرتك متعرفهوش أن كل بنت من دول كانت بتروح في سن ٢١ سنه بالظبط يعني اللي كانت مرة تشرب عصير وتروح فيها اللي مثلاً كانت تبقا ماشيه في الشارع وعربيه تخبطها واخر واحده دي انتح.رت بس المش.كلة في اللي كنا بنلاقيه مع كل واحده فيهم لما يروحوا
المغىسله
وايه ده اللي كنتو بتلاقوه معاهم
شاهيناز
بصي انا هحكي لك كل حاجه يا ست احمد ومش هخبي عليكي حاجه اولا انا من عيله كبيرة اوي في البلد وليا أخواتي اتنين رجاله وبنت كمان وكلنا متجوزين وكل واحد عايش في بيته عادي لحد من سبع سنين وبدأت الحكايه الغريبه اللي بتحصل معانا دي وفي يوم
#فلاش باااك
شاهيناز لقت اخوها كمال بيكلمها في التليفون وبيقول
كمال
الحقيني يا شاهيناز بنتي راحت بنتي جميله راحت
شاهيناز
ازاي الكلام ده يا كمال ليه ايه اللي حصلها انا كنت سايبها كويسه امبارح ايه اللي حصل
كمال
انا مش عارف يا شاهيناز انا هتج.نن تعالي بس بسرعه عشان تشوفي لاقينا ايه في شنطتها انا دماغي هتروح مني مش عارف اعمل إيه
شاهيناز
طيب يا كمال انا جايه لك اهو يا حبيبي انت عرفت اخواتك طيب أنهم يجوا علي الفيلا عندك
كمال
ايوه اخوكي محسن جاي في الطريق ونشوي أختك كمان جايه تعالي بس عشان تقولي لي اعمل ايه في المص.يبة ديه
وراحت شاهيناز بسرعه هي وأخواتها واتجمعوا الاربعه وكمال قال لهم
