كل ما بنت من عيلتنا بتلاقي جنبها ظرف اسود
ابتسام
ايوه بس الباشا بيقول عليا بنت الخدامين يعني عمرة ما يرضي انك انت تبقا ليا ولا انا ابقي ليك
كمال
اسمعي يا ابتسام انتي تعالي لي بالليل في المندرة اللي ورا الفيلا ونتكلم انا وانتي مقعدي الليل كله مع بعض
ابتسام
يا مصبتي لا طبعا يا سي كمال بيه انا لا يمكن اعمل كده انا مليش في الشمال وبعدين ده امي تروح فيها انت عارف انها بتشتغل عندكم من سنين اجي انا بقا ابهدلها علي اخر العمر لا طبعا
كمال
طيب انتي ايه اللي يرضيكي وانا اعمله يا ابتسام عشان تبقي معايا
ابتسام
تتجوزني
كمال
بتقولي ايه ازاي بس وانتي عارفه اني متجوز اعملها ازاي دي
ابتسام
يبقا معطلكش يا كمال بيه عن أذنك
كمال
استني بس استني انتي رايحه فين كده انا موافق بس هي بقا عرفي مؤقت يعني لحد لما اشوف الدنيا فيها ايه ماشي
ابتسام
وانا موافقه بس هتروح تكلم امي عني وتقولها انك انت عايز تتجوزني عشان لما اروح لك في أي مكان هي تبقا عارفه
وفعلا عرف امها أن هو عايز يتجوز ابتسام اللي وافقت وقالت له
سعديه
بس يا كمال بيه الباشا لو عرف هيرميني في الشارع وانا مش حمل بهدله
كمال
يا سعديه محدش هيعرف حاجه خالص انتي بس وافقي اني اتجوز ابتسام وصدقيني انا مش هسيبك انتي وهي وهفضل معاكم
سعديه
خلاص يا بيه اللي تشوفوا اعمله وربنا يسترها بقا ويعديها علي خير
وفعلا اتجوز كمال ابتسام وفضل يروح لها في السر كل يوم والتاني لحد لما عدت الشهور وابتسام قالت له
ابتسام
أما أنا عندي ليك خير يا كمال انما ايه هيفرحك اوي انا عارفه يا حبيبي انك انت نفسك تخلف ولد انا بقا اللي هجيب لك الولد ده
كمال
انا مش فاهم يعني ايه انتي اللي ختجيبي الولد تقصدي ايه يا ابتسام فهميني
ابتسام
انا حامل يا كمال حامل في ابنك يا حبيبي لو اومال انا بقول ايه بس مش بقولك انا حامل
كمال
يعني ايه الكلام ده يا ابتسام هو انا مش قولت لك بلاش الحمل خالص
ابتسام
ايوه فعلا هو انت قولت كده بس كنت فاكراك بتهزر يعني أو بتقول ايه حاجه لحد لما يحصل وانت تبقا مبسوط انا كنت فاكرة كده
كمال
انتي مجنونه هي الحاجات دي فيها هزار لا طبعا مكنتش بهزر انا كنت بتكلم جد وقولت بلاش زفت حمل حصل ولا لا انتي لازم تنزليه انتي سامعه
ابتسام
انزله ده ايه لا طبعا أنا مش هعمل كده يا كمال مش هنزله خالص وانت لازم تتجوزني رسمي عشان ابننا
كمال
وانا مش هتجوزك رسمي يا ابتسام انتي اخىك معايا العرفي غير كده لا واللي في بطنك لازم ينزل والا مش هتشوفي وشي تاني
ابتسام
اخس عليك يا كمال بقا دي اخرتها انت تعمل فيا كده طيب ليه حرام عليك انا سلمتك نفسي علي اساس انك بتحبني ليه تعمل فيا كده
